യാത്രകള്‍ സമ്മാനിച്ച ചില നല്ല നിമിഷങ്ങള്‍
ഓരോ യാത്രയും നമുക്ക് വ്യത്യസ്തവും പുതുമയേറിയതുമായ അനുഭവങ്ങള്‍ ആണ്.പ്രത്യേകിച്ച് നമ്മള്‍ സന്ദര്‍ശിക്കുവാന്‍ ഏറെ ഇഷ്ടപെടുന്ന സ്ഥലങ്ങള്‍ ആണ് എങ്കില്‍ പറയുകയേ വേണ്ട.അങ്ങനെയൊരു സ്ഥലത്തേക് ഞങ്ങള്‍ ഒരു യാത്ര പോയി .ആന്ധ്രപ്രദേശിലെ തിരുപ്പതിയിലും ശ്രീ കാളഹസ്തിയിലും.ആദ്യമായി പോവുന്നത് കാരണം കുറച്ചു കാര്യങ്ങള്‍ മനസ്സിലാക്കാത്തതിനാല്‍ ചില കുഴപ്പങ്ങള്‍ ഉണ്ടായി എന്നതൊഴികെ നല്ലൊരു യാത്ര ആയിരുന്നു. കുറച്ചു ദിവസം മുന്നേ ആണ് കണ്ണന്‍ എന്നോട് ചോദിച്ചത്,ചേട്ടാ അടുത്ത ആഴ്ച എന്താ പരിപാടി?ഞാന്‍ പറഞ്ഞു ടൂര്‍ പോകാനൊന്നും ഞാന്‍ ഇല്ലടാ. ആന്ധ്രപ്രദേശിലെ ശ്രീ കാള ഹസ്തിയില്‍ ദര്‍ശനം നടത്തണം എന്ന് വിചാരിച്ചിട്ട് വര്‍ഷങ്ങള്‍ ഏറെയായി.പല കാരണങ്ങള്‍ കൊണ്ട് മുടങ്ങിപോയിരുന്നു.ഇടക്ക് ജ്യോതിഷമൊക്കെ നോക്കുന്ന സമയത്ത് ഈ ക്ഷേത്രത്തിലേക്ക് ഒരു ദര്‍ശനം പറഞ്ഞതിനുശേഷം പോകാനിരിക്കുകയായിരുന്നു.ഒരു പക്ഷെ സമയം ആയത് ഇപ്പോള്‍ ആയിരിക്കും.പൊതുവേ യാത്രകള്‍ ചെയ്യാന്‍ നല്ല താല്പര്യം ഉള്ള ഒരാളാണ് ഞാന്‍.പക്ഷെ ആണ്ടും കൊല്ലംതോറും വല്ലപ്പോഴും എവിടേക് എങ്കിലും ഒന്ന് പോയാല്‍ ആയി. കണ്ണന്‍ ലീവ് ശരിയാക്കിയ ശേഷം വിളിച്ചു,നമുക്ക് വ്യാഴാ